Манчаары оонньуутугар хамаандабытыгар эрэлбит улахан

Быйылгы күрэхтэһии XXI Манчаары оонньууларын биир улахан уларыйыытынан хамаандалары наардааһыҥҥа таҕыста. Ол курдук, горнайдар туруорсууларынан хамаандалары нэһилиэнньэ ахсаанынан көрөн араардылар. Барыларыгар тэҥ балаһыанньа оҥоһулунна. Бу маннык тыырааһыны, үгүс хамаанда астына, сэҥээрэ ылынна. Биһиги улууспут хамаандата III бөлөххө киирдэ. Күрэс былдьаһар хамаандаларбыт Кэбээйи, Томпо, Өймөкөөн, Уус Майа, Дьааҥы, Орто Халыма, Жатай буолаллар.   Бу тыҥааһыннаах киирсиигэ Горнай хамаандата инники күөҥҥэ тахсарын күүтэбит. Утарсааччыларбыт бары олус күүстээх спортсменнардаахтар. Бары кыайыы эрэ туһугар кэлэллэрэ биллэр. Онон улууспут хамаандатыгар улахан эппиэтинэстээх сорук туруорулунна. Эрэлбитин толоруохтара диэн итэҕэйэбит.   Бэрдьигэстээххэ Горнай хамаандата сүүмэрдиир дьарыгы бара сылдьар. Бэлэмнэнии кытаанах.