← Вернуться назад

Новости

Ирина Осипова-Кондакова: "Кыайыыбын аҕабар аныыбын"

Бүгүн "Чыпчаал" стадиоҥҥа ыытылла турар чэпчэки атлетикаҕа 3000 дистанцияҕа улууспутугар кыһыл көмүс мэтээли Ирина Осипова -Кондакова бэлэхтээтэ. Ирина Осипова-Кондакова:   - Манчаары оонньуулара буоларын истэн баран, дойдубуттан кыттабын диэн тута быһаарыммытым. Хайаан да көмүс мэтээлгэ үлэлиибин диэн сорук туруоруммутум. Бэйэбэр эрэллээх этим. Олус кыраһыабай Манчаары мэтээллэрин кэтэн турарбын харахпар оҥорон көрбүтүм. Кыайыыбын күндү аҕабар Кондаков Василий Еремеевичка аныыбын, бэйэтэ Өлүөхүмэттэн төрүттээх, Горнайга олохсуйбута ыраатта. Кини миигин оҕо эрдэхпиттэн мэлдьи өйүүрэ. Урут 90-ус сыллар кырыымчык кэмнэригэр түүннэри утуйбакка халтуралаан да туран, Кытай кроссовката 50 солк эбит буоллаҕына, сүүрэргэ аналлаах кроссовканы 450 солк. ылара. Ол миигин олус стимуллуура. Биир дойдулаахтарбар мэлдьи өйүүллэрин иһин истиҥ махталбын тириэрдэбин. Улууспут баһылыга Н.В.Андреев, спорт управленията бу оонньууларга бэлэмнэнэрбэр улахан өйөбүл-тирэх буоллулар.

Ulus Media